-
Ieremia 34:15, 16Te Baibara ae Tabu te Rairai ae te Aonnaba ae Boou
-
-
15 Ao ngkami kam rairaki n taai aika tibwa nako,* ao kam karaoa te bwai ae eti i matau n aromi ni katanoataa te inaomata nakoia raomi, ao kam karaoa te berita i matau n te auti ae kaotaki iai arau. 16 Ma kam a manga tannako ao kam kamatauningaa arau+ n aromi ni kairiia ni kaokiia ami toro aika mwaane ma aine, ake kam kainaomataia ngkoa n aron are a tangiria, ao kam kaokiia ma te matoa nakon te tautoronaki.’
-
-
Mika 3:2-4Te Baibara ae Tabu te Rairai ae te Aonnaba ae Boou
-
-
2 Ma kam ribaa te raoiroi+ ao kam tangira te buakaka,+
Kam kuoti kunia au aomata ao irikoia man riia.+
3 Kam kang naba irikoia au aomata+
Ao ni kuoti kunia
Ma n ototei riia ao ni kamanatuai ni kamwaotorikirikii,+
N aron te bwai ae kamwaaki n te bwaata,* n aron te irikomaiu ae mena n te bwaata ni kuuka.
4 N te tai anne ao ane a na wetea Iehova ibukini buokaia,
Ma e na aki kaekaia.
-