2 “Natin te aomata, taetae ni burabeti n ekiianako taani kawakinia tibun Iteraera ngkai kaanga tiibu ngaiia. Taetae ni burabeti, ao kangai nakoia taani kawakintiibu, ‘E kangai ana taeka te Uea ae Moan te Rietata ae Iehova: “E na reke kaia taani kawakinia tibun Iteraera ngkai kaanga tiibu ngaiia,+ ake a bon amwamwarake i bon irouia! Tiaki a riai ni kaamwarakea te nanai taani kawakintiibu?+ 3 Kam kana te mwaete, kam kunnikaingkami ni buraen te tiibu, ao kam tiringa te man ae te kabanea ni marikarika,+ ma kam aki kaamwarakea te nanai.+