Itaia
ITAIA
1 Te miitara are e noria Itaia*+ are natin Amoti ni kaineti ma Iuta ao Ierutarem n aia bong Utia,+ Iotam,+ Aati,+ ao Etekia,+ ake uean Iuta:+
2 Ongora ngkami aika kaaini karawa, ao kakauongo ngkami aika kaain te aonnaba,+
Bwa e taekina ae kangai Iehova:
3 Te kao mwaane e ataa raoi teuare te tia kabooa,
Ao te taongki e ataa nneni kanaia maan are ana bwai teuare maninna,
A aki bwaina te ataibwai naake bon au aomata.”
4 E na reke kain te natannaomata ae bubure,+
Ake aomata aika taonakinako n te bure,
Ae te kariki aika mwaane aika buakaka, aika naati aika babakanikawai!
5 Kam na oreaki riki ia ngkai kam karakai ami karitei?+
E a aoraki te atu,
Ao e a nimwaoraki te nano.+
6 Akea te tabo ae maiu man te nanoniwae ni karokoa te atu.
Iai taian ikoaki ma babaangaki ao maneka,
Aika tuai ni karaoaki* ke ni bautaki ke ni kamarauaki n te bwaa.+
7 E a kamaroaeaki abami.
A a kabuekaki ami kaawa n te ai.
A a kana uaan abami ianena bon i matami.+
Kaanga ai aron te aba ae aki kona ni maekanaki ae kamaunaaki irouia ianena.+
8 E a katukaki natin Tion te aine n ai aron te tabo ni katantan* n te nne ni kureebe,
N ai aron te umwa n te tawaana ni kukambwa,
Ao n ai aron te kaawa ae otabwaniniaki.+
9 Ngke arona bwa Iehova ae Atuaia taanga ni buaka* e aki katikuia tabeman mai buakora bwa a na reke maiuia,
Ao ti na kaman riki bwa ai aron Totom
Ao ti na kamani katotonga Komora.+
10 Ongora n ana taeka Iehova, ngkami aika taan taua taekan* Totom+ aika iowawa.
Kakauongo nakon ana tua* Atuara, ngkami aika kaaini Komora.+
11 “Tera manenan ami angakarea aika bati nakoiu?”+ bon ana taeka Iehova.
“E a bati n tau irou ami karea ni kabuekaki aika tiibu mwaane+ ao mwaeteia maan aika marika,+
Ao bon akea kimwareireiu n raraaia+ kaao mwaane aika ataei+ ma tiibutetei ao kooti.+
12 Ngkana kam roko ni kaoti i matau,+
Antai ae tua te baei mairoumi,
Ae kam na toutoui au katawanang?+
13 Katoka manga uotakin ami karea ae te amwarake* aika akea uaaia.
I riribai ami karea aika boiarara.+
Kam kakawakini bongin nako otin namwakaina+ ma boongi n taabati+ ao kam babairei taiani bwabwaro,+
Ma I a aki kona n taona nanou ni kaineti ma kamanenaani mwaakan te tabunea+ n irianaki ma ami botaki ae okoro.
14 I* ribai bongin ami oti n namwakaina ao ami toa.
A a riki bwa karawawataau,
I a kua n uouotii.
15 Ao ngkana kam arori baimi,
Ao I karabai matau mairoumi.+
16 Kam na tebotebo, kaitiakingkami,+
Kaaki ami mwakuri aika bubuaka mai matau,
Katoka karaoan ae buakaka.+
17 Reireiningkami karaoan ae raoiroi, ukoukora te kaetitaeka ae riai,+
Kaeta te tia karawawataa te aba,
Boutokaa inaomatan te teei ae akea tamana,*
Ao kam na tei ibukin ana tangitang te aine ae e a tia ni mate buuna.”+
18 “Nakomai ngkai, ao ti na kaetii bwaai i marenara,” bon ana taeka Iehova.+
“E ngae ngkana ai aron te kunnikai ae uraroo ami bure,
Ma a na kamainainaaki n aron te tino,+
Ao e ngae ngkana a uraura n aron te kunnikai ae toka uraurana,
Ma a na riki bwa ai aroni buraen te tiibu.
19 Ngkana kam kan ira nanou ao kam ongo,
Ao kam na kaakang baika raraoi n te aba.+
20 Ma ngkana kam rawa ma ni karitei,
Ao kam na kabwautaki n te kabaang,+
Bwa e taekina anne win Iehova.”
21 E a riki kangaa te kaawa ae kakaonimaki+ bwa ai te aine ae kakabooaki!+
E on ngkoa neiei n te kaetitaeka ae riai,+
E mamaeka ngkoa iai te raoiroi,+
Ma ngkai ai taan tiritiri.+
23 A imanono am toka ao a raonia taan iraa.+
A tangira te bwai ni kamaraato ngaiia n tatabemania nako ao a kaei bwaintangira.+
A aki anga te kaetitaeka ae riai nakoia ataei aika akea tamaia,*
Ao e aki roko naba irouia aia tangitang aine ake a a tia ni mate buuia.+
24 Mangaia are e taku te Uea ae koaua ae Iehova ae Atuaia taanga ni buaka,
Are Teuare Mwaaka ae Atuan Iteraera:
“Noria! N nang kabebeteai mairouia taani kakaitaraai,
Ao N nang irantangaai ni karekei kaia taani kairiribai nakoiu.+
25 N na raira baiu n ekikonako,
N na kanakoi baarekam ni kabane
N aron ae a kaitiaka te tirewa n te ai aomata ni kanakoa buakakana.+
26 N na manga kaokiia am tia motikitaeka n aron are rimoa,
Ao am tia anga taeka n reirei n aron are mai moana.+
Imwin aei ao ko na aranaki bwa te Kaawa ae Raoiroi, ao te Kaawa ae Kakaonimaki.+
27 E na manga kabooaki Tion n te kaetitaeka ae riai,+
Ao ana aomata ake a oki, n te raoiroi.
28 A na uaia ni kamaunaaki taani karitei ao taani bure,+
Ao a na roko n tokia te koraki ake a kitana Iehova.+
29 Bwa ane a na maamaa n aroka aika korakora ake kam tangiri,+
30 Bwa ane kam na riki bwa kaanga te aroka ae bubura ma baana aika rai,+
Ao kaanga te onnaroka ae akea te ran iai.
31 E na riki te mwaane ae korakora bwa buruburun te ewanin,*
Ao ana mwakuri bwa te mwaakaro n ai,
A na uaia n ura,
Ao akea ae e na tiringia.”