Taian Areru
97 E a riki Iehova bwa te Uea!+
2 A katobibia taian nang ao te rotongitong ae matenten,+
Ao te raoiroi ma te kaetitaeka ae riai, bon aan ana kaintokanuea.+
4 E kaotaa aon te aba ana itirua,
Ao e noria te aonnaba ao e rurubenebene.+
5 A a ran maunga i matan Iehova, n aron nenean te taura te nenea,+
I matan Uean te aonnaba ni kabutaa.
6 E tataekina raoiroina karawa,
Ao a bane botannaomata n nora mimitongina.+
7 Ke a bane ni kamaamaeaki te koraki ake a toro iroun te bouannanti ae kaaraki,+
Ao te koraki aika kamoamoai atuaia aika akea manenaia.+
Bobaraaki nakoina,* ngkami atua ni kabane.+
9 Bwa boni ngkoe Iehova Teuare Moan te Rietata i aon te aonnaba ni kabutaa,
Ko rangi ni karietataaki riki i aoia atua ni kabane.+
10 Ngkami aika kam tangira Iehova, ribaa te bwai ae buakaka.+
11 E a oota te oota ibukia akana raoiroi,+
Ao te kakatonga ibukia te koraki aika eti nanoia.
12 Kam na kakatonga iroun Iehova ngkami aika kam raoiroi,
Ao karaoiroa arana ae tabu.*