Taian Areru
Te kaetieti nakon te mataniwi n te anene. Aia areru natini Kora+ aika mwaane. Te anene.
49 Ongora n aei ngkami botannaomata ni kabane.
Kakauongo ngkami kaain te aonnaba* ni kabane,
2 Aika mangori ao aika kakannato,*
Ao aika kaubwai ma aika maiu ni kainnano.
3 E na taekina te wanawana wiu,
Ao e na kaota te ataibwai ana iango nanou.+
4 N na kakauongo nakon te taeka n rabakau,
Ao N na kabwarabwaraa au kamwaninga ngkai I katanga te abi.
5 E aera ngkai I riai ni maaku n tain te kangaanga,+
Ngkana I otabwaniniaki ni buakakaia* te koraki ake a kataia ni kabwakaai?
6 Te koraki aika onimakini kaubwaia,+
Ao aika kamoamoai kaubwaia aika rangi ni bati,+
7 Akea i buakoia ae e kona ni manga kabooa tarina,
Ke n angan te Atua te kaboomwi ibukin tarina,+
8 (Moan te kakawaki te kaboomwi ibukini* maiuia,*
N te aro are e a riaon aia konaa n taai nako)
10 E noria ae a mamate naba aomata aika wanawana
Ao a maunanako aomata aika nanobaba ma aika ronnano,+
Ao a a katikui kaubwaia irouia tabemwaang.+
11 Te bwai ae a tangiria i nanoia bon aia auti aika a na teimatoa n aki toki,
Ao aia umwanrianna man te rorona nakon te rorona.
Ao a ingoani abaia ni bon araia.
12 Ma e ngae ngke e karineaki te aomata, ma e na aki teimatoa,+
E aki raka riki arona nakoia maan aika maunanako naba.+
13 Aio aroia aomata aika nanobaba,+
Ao te koraki ake a kakairi irouia, ake a kukurei n aia taeka aika akea uaaia. (Tiera)
14 A kanakoaki nakon te Ruanimate* n ai aroia tiibu.
E na kawakinia te mate n aron te tia kawakintiibu,
A na tautaeka aomata aika raoiroi i aoia,+ n te ingabong.
16 Tai maaku ngkai e a riki ni kaubwai te aomata,
Ao ngkai e a rikirake tamaroan ana auti,
17 Bwa ngkana e mate ao akea te bwai ae e kona n uotia,+
Ao e na aki iria rikaaki tamaroana.+
18 Bwa n ana tai ni maiu ao e boni kamoamoaa i bon irouna.+
(A kamoamoako aomata ngkana ko kabwaia.)+
19 Ma n tokina, ao e a raonia aia roro ana bakatibu,
A na aki manga nora te oota.
20 E ngae ngke e karineaki te aomata ae aki ota n aei,+
Ma e aki raka riki arona nakoia maan aika maunanako naba.