Taian Areru
3 Kamoamoaa taekan arana ae tabu.+
Ao ke a kimwareirei nanoia akana ukoukora Iehova.+
4 Ukera Iehova+ ma korakorana,
Ao teimatoa n ukera ubuna.
5 Uringi mwakuri aika kamimi ake e karaoi,
Ma ana kakai ao ana motikitaeka ake e taekin,+
6 Ngkami aika kanoan* Aberaam are ana toro,+
Ao ngkami aika tibun Iakoba, ake e rineiia.+
7 Bon Iehova ngaia ae Atuara.+
E buta te aonnaba n ana motikitaeka.+
8 E ururinga ana berita n aki toki,+
Are ana berita are e karaoia* nakoia rooro aika nga ma nga,+
9 Ae te berita are e karaoia ma Aberaam+
Ao ana berita are e taetae n tuea iai nakon Itaaka,+
10 Are e kateia bwa te tua nakon Iakoba,
Ao te berita ae teimaan nakon Iteraera,
11 Ngke e kangai, “N na anganiko te aba ae Kanaan,+
Bwa tibwangam ae ko na ababa iai.”+
13 A ririaki man te natannaomata teuana nakon te natannaomata teuana,
Ao man te tautaeka n uea teuana nakon te botannaomata teuana.+
14 E aki kariaia te aomata temanna bwa e na karawawataia,+
Ma e boaiia ueea ibukia+
15 Ni kangai, “Tai ringia au aomata aika kabiraki,
Ao tai karaoa ae buakaka nakoia au burabeti.”+
17 E karimoaa te mwaane temanna imwaia
Ae Ioteba are kaboonakoaki bwa te toro.+
18 A kabaea* waena ni bwaai ni kabaewae,+
Ao e kaakaki i roroana te taurekereke,
19 Ni karokoa te tai are e koro iai bukin ana taeka,+
Bon ana taeka Iehova ae e kaitiakaki iai.
20 E kanaanako te uea bwa e na kabwaraaki teuaei,+
Ao aia tia tautaeka botannaomata e kainaomataa teuaei.
21 E karikia bwa mataniwini batana
Ao te tia tautaeka i aon ana bwai ni kabane,+
22 Bwa e na tau aroia* ana natinuea mwaane n aron are e bon taku,
Ao n reireinia ana unimwaane te wanawana.+
23 E a roko ngkanne Iteraera i Aikubita,+
Ao e maeka bwa te ianena Iakoba n aban Am.
24 Ao te Atua e kabatiai aia kariki ana aomata,+
Ao e kakorakoraia riki nakoia taani kakaaitaraia,+
25 Ake e kariaia bwa a na bitaki nanoia n ribaiia ana aomata,
Ma ni karaoi aia babaire n ekiianako ana toro.+
27 A karaoi ana kanikina i buakoia,
Aika ana kakai n aban Am.+
28 E karokoa te rotongitong ao e a roo aon te aba,+
A aki roko n te karitei nakon ana taeka.
29 E bita aia ran nakon te raraa,
Ao e tiringi aia ika.+
30 E onrake abaia n te biraoki,+
Ma aia ruu naba ueea.
31 E tua nakoia naango bwa a na roko,
Ma maninnara nako nanon aia aono ni kabutaa.+
33 E orei ni kabwakai aia kai aika kureebe ma arokaia aika biiku,
Ao e urui kainnamwaraken aia aono.
34 E taku bwa a riai n roko rokati,
Aika rokati aika uarereke aika aki kona ni warekaki.+
35 A kang aroka ni kabane ake n te aba,
Ao a kang uaan aia tano.
37 E kairiia ana aomata ni kaotinakoia ma tirewa ao koora,+
Ao akea temanna ae bwaka i buakoia kaain ana baronga.
38 E kimwareirei Aikubita ngke a a nako tibun Iteraera,
Bwa e bwakariia maakaia.+
40 A bubutii te irikomaiu, ao e angania te kuere,*+
E teimatoa ni kanuaiia n te amwarake mai karawa.+
42 Bwa e uringa te berita ae tabu are e karaoia nakon Aberaam are ana toro.+
43 Mangaia are e kairiia ana aomata ni kaotinakoia ma te kakatonga,+
Ake ana aomata ake e rineiia, ma te tang ni kimwareirei.
44 E angania abaia natannaomata,+
Ao a bwaibwai n uaan aia mwakuri korakora botannaomata tabemwaang,+
45 Mangaia are a na kawakin ana moti,+
Ao ni kakairi n ana tua nako.
Karaoiroa Iah!*