1 Rongorongo

18 Tabeua te tai imwina ao e kataenikaiia I-Biritia Tawita ao e tokanikai i aoia, ao e anaa Kate+ ma kaawa ake a mena i aana,* mai nanoni baia I-Biritia.+ 2 Ao e kataenikaia Moaba,+ ao a a riki tibuni Moaba bwa ana toro Tawita, ao a ninikira aia angabwai.+

3 Ao Tawita e kataenikaia Atatetera+ are Uean Tobaa+ n uakaan ma Amata,+ i aoni kawain teuaei n nako ni kamatoaa mwaakana n tautaeka i rarikin te Karaanga ae Iuberetiti.+ 4 Ao Tawita e taui mairoun teuaei 1,000 taiani kaa ni buaka, 7,000 taan toka i aoia aoti, ao 20,000 tautia aika taan rianna.+ Ao e kamwaukuia aotin te kaa ni buaka ni kabane Tawita, ma e katikuia aotin taiani kaa ni buaka ake 100.+ 5 Ngke a a roko I-Turia ake i Tamateko bwa a na buoka Atatetera are Uean Tobaa, ao Tawita e kamateia I-Turia aika 22,000.+ 6 Ao Tawita e kateiia tautia i Turia i Tamateko, ao a a riki I-Turia bwa ana toro Tawita ao a ninikira aia angabwai. Ao Iehova e angangan Tawita te tokanikai* n taabo ake e nako iai.+ 7 Irarikin anne, e anai otanga aika mronron aika koora Tawita mairouia ana toro Atatetera, ao e uotii nako Ierutarem. 8 Ao e anai buraati aika mwaitikurikuri Tawita mai Tibaata ao Kun, ake ana kaawa Atatetera. Ao Toromon e karaoa iai nnen te ran ae buburakaei ae arana Taari ae te buraati,+ taiani boua, ao bwaai aika taiani buraati.+

9 Ngke e ongo te Uea are Tou are uean Amata ae Tawita e a kataenikaiia kaain ana taanga ni buaka ni kabane te Uea are Atatetera+ are uean Tobaa,+ 10 ao e aki tabwara ma e a kanakoa naba natina te mwaane ae Aatoram nakon te Uea are Tawita bwa e na titirakinna arona bwa e uara, ao e na kakabwaiaa ibukina bwa e a tia ni buaka ao e kataenikaia Atatetera (bwa e aki toki Atatetera ni buakana Tou), ao e uotii bwaai n aekaia nako aika karaoaki man te koora, te tirewa, ao te buraati. 11 Ao e katabui baikai te Uea are Tawita nakon Iehova,+ n ikotaki ma te tirewa ao te koora ake e uotiinako mairouia natannaomata ni kabane: mai Etom ao Moaba, ao mairouia tibun Ammon,+ I-Biritia,+ ao tibun Amareka.+

12 Ao Abitiai+ are natin Teruia+ e kamateia I-Etom aika 18,000 n te Mwarua ae Taari.+ 13 E kateiia tautia i Etom ao a a riki I-Etom ni kabane bwa ana toro Tawita.+ Ao Iehova e angangan Tawita te tokanikai* n taabo ake e nako iai.+ 14 E teimatoa Tawita n tautaeka i aon Iteraera ni kabutaa,+ ao e kairiri ma te kaetitaeka ae riai ao te raoiroi ibukia ana aomata ni kabane.+ 15 Ao e mena Ioaba are natin Teruia i aon te taanga ni buaka,+ ao bon te tia korei mwin rongorongo Ieotiabata+ are natin Airuta, 16 ao taian ibonga* bon Tatoka are natin Aituba ma Aimereka are natin Abiata, ao Tiawetia bon te tia koroboki. 17 Ao e mena Benaia are natin Ieoiata i aoia taiani Keritaite+ ao taiani Beretaite.+ Ao a riki bwa taani kairiri i aoia mataniwi natin Tawita aika mwaane.