51 Noria! N na tuangingkami te bwai ae raba ae tabu: Ti na aki bane ni matunako n te mate ma ti na bane n onikaki,+ 52 n tii teuana te tekan n te rubenimata, n tain tangin te kabanea ni buu. Bwa ane e na tang te buu,+ ao a na kautaki maate n aki kona ni mka, ao ti na onikaki.

16 ibukina bwa e na ruo mai karawa te Uea ao e na tua ni bwanaana ae bwanaani mataniwia anera+ ao e na taua ana buu te Atua, ao a na uti moa te koraki ake a mate ake a katiteuanaaki ma Kristo.+ 17 Imwina riki ao ngaira ake ti na kauia te tai anne, ti nang uotakinako ma ngaiia n naang+ bwa ti na kaitiboo ma te Uea+ n te ea, mangaia ae ti nangi memena iroun te Uea n taai nako.+