6 Taari, e ngae ngkana e toua te mwaneka ae kairua te aomata n akea ataakina irouna, ma ngkami aika Kristian aika kam ikawai n te onimaki, kam na kataia ni kaeta te aomata anne n te nano ae nimamannei.+ Ma tataraingkami n tatabemaningkami+ nako bwa kam kaawa ni kaririaki naba.+

4 Mangaia ae I butiingkami ngai ae I karabuutinaki+ ibukin te Uea, bwa kam na nakonako n te aro ae tau+ ma weteami are kam weteaki iai, 2 n te nanorinano n taai nako+ ao n te nimamannei, ao n te taotaonakinnano,+ n taotaon nanomi i marenami n te tangira,+

11 Ma ko na birinako mani baikai ngkoe ae ana aomata te Atua. Ao ukoukora te raoiroi, tangiran te Atua, te onimaki, te tangira, te nanomwaaka, ao te nimamannei.+

24 Bwa e aki riai ni kauntaeka ana toro te Uea ma e riai n nimamannei* nakoia aomata nako,+ e na tau ibukin te angareirei, e na taona nanona ngkana e karaoaki ae kairua nakoina,+ 25 ao e na arona te nimamannei n reireinia ake a rarawa.+ Tao ane a na manga anganaki rairan nanoia* iroun te Atua bwa a aonga ni kairaki nakon te atatai ae eti ibukin te koaua,+

15 Ma kam na butimwaea Kristo bwa te Uea ao tabuia i nanomi, ao tauraoi n taai nako ni kaekaia aomata nako ake a titiraki bwa tera bukin te kantaninga ane iroumi, ma karaoa anne ma te nimamannei+ ao te karinerine ae bati.+