12 Ao e taku Iehova nakon Aberam: “Naako mai abam ao mairouia am buu ao mani batan tamam, nakon te aba ae N na kaotia nakoim.+ 2 N na karaoiko bwa te natannaomata ae korakora* ao N na kakabwaiako, ao N na kakannatoa aram ao a na kakabwaiaaki aomata rinanom.+ 3 N na kakabwaiaia akana kakabwaiako, ao N na kamaraiaa ane e karekea kaim,+ ao a na boni bane ni kabwaia* utu aika n te aonnaba rinanom.”+

5 Ko na aki manga aranaki bwa Aberam* ma ai Aberaam* aram, bwa N na karaoiko bwa tamaia natannaomata aika bati. 6 N na kabatiaia am kariki, ao N na karaoiko bwa natannaomata, ao a na riki ueea mairoum.+

17 ao N na boni kakabwaiako ao N na boni kamwaitiia kanoam* n aron itoini karawa ao n aron tanon aon te bike,+ ao kanoam* e na taua aia mataroa* akana kairiribai nakoina.+ 18 Ao a na boni bane natannaomata n te aonnaba ni karekei kakabwaiaaia rinanoni kanoam,*+ ibukina bwa ko ongo ni bwanaau.’”+