13 Ao e taku Tamuera nakon Tauro: “Ko a tia ni karaoa te aro ae nanobaba. Ko a tia n aki ongeaba n te tua are e anganiko Iehova ae Atuam.+ Ngke arona bwa ko karaoa anne, ao e na kateimatoa am tautaeka n uea Iehova i aoia tibun Iteraera n aki toki. 14 Ma e nang aki teimatoa ngkai am tautaeka n uea.+ E na karekea te mwaane temanna Iehova ae kakukureia nanona.+ Ao e na mwiokoia Iehova bwa te tia kairiri i aoia ana aomata,+ ibukina bwa ko aki ongeaba n te baere e tua nakoim Iehova.”+