• Mwakuri 20:22, 23
    Te Baibara ae Tabu te Rairai ae te Aonnaba ae Boou

    • 22 Ao noria! I kairoroaki* n taamnein te Atua bwa N na mwananga nako Ierutarem, e ngae ngke I aki ataa te bwai ae e na riki nakoiu ikekei, 23 ma e tii kaokioka ana kaotioti nakoiu te taamnei ae raoiroi n te kaawa teuana ma teuana, n taku bwa a boni mena imwaiu kabaeau ma karawawataau.+

  • Mwakuri 21:11
    Te Baibara ae Tabu te Rairai ae te Aonnaba ae Boou

    • 11 Ao e kawarira ma n anaa kabaean nukani Bauro ni kabaei iai waena ma baina i bon irouna ao e taku: “E taku te taamnei ae raoiroi, ‘E na kabaeaki n aron aei teuare kabaean nukana aei, irouia I-Iutaia ake i Ierutarem,+ ao a na kaburea nako nanoni baia aomata aika tiaki I-Iutaia.’”+

  • 2 I-Korinto 11:23-28
    Te Baibara ae Tabu te Rairai ae te Aonnaba ae Boou

    • 23 Ana minita Kristo nakanne? N na kaeka n aron te aomata ae rangirang, E rianako riki arou iai bwa e bati riki au bekutata,+ e bati riki kamatawarikau,+ e mwaiti riki oreau, ao a bati au tai ni kuri ni mate.+ 24 Nimaua au tai n oreaki irouia I-Iutaia ni kaiu aika 39,+ 25 tenua au tai ni batiboaki n taiani kai,+ te taina au tai ni karebanaaki n atibu,+ tentai au tai n toka ni kaibuke ake a urubekebeke i taari,+ I tiku i nanoni marawa teuana te bong ao teuana te ngaina, 26 ni mwamwanangau aika bati, I kuri ni kabuanibwai n taiani karaanga, ao irouia taani kamwarua. I kuri ni kabuanibwai irouia aika boni kaain au reeti+ ao irouia ake tiaki I-Iutaia.+ I kuri ni kabuanibwai n te kaawa+ ao n te rereua. I kuri ni kabuanibwai i marawa, ao I kuri ni kabuanibwai irouia taari ni kewe, 27 n te bekutata ma te korakai, n te aki mamatu n taian tairiki aika bati,+ n te matenibaki ao n te taka,+ n te aki amwamwarake n taai aika bati,+ n te mariri ao n aki tauni mwaitini kunnikaiu i aou.

      28 Irarikini baikai ni kabane, ao iai riki te bwai ae taotaonai n te bong teuana ma teuana: bon te tabeaianga ibukin taian ekaretia ni kabane.+