7 Ao e kaoti Iehova nakon Aberam ao e taku: “N na anga te aba aei+ nakoia kanoam.”*+ Ngaia are e katea te baonikarea ikekei ibukin Iehova are e kaoti nakoina.

14 E taku Iehova nakon Aberam imwini maenakona ma Rota: “I butiiko bwa ko na euta matam man te tabo ane ko mena iai, ao taraa meang ao maiaki, mainiku ao maeao, 15 ibukina bwa N na anga nakoim ao nakoia kanoam,* te aba ni kabanea ane ko noria, bwa abaia ae a na teimatoa ni maekanna.+

17 Ngke ai 99 ana ririki Aberam ao e kaoti Iehova nakoina ao e taku: “Bon te Atua ngai ae Moan te Mwaaka. Nakonako i matau ao kaotia bwa akea kabwakam.*

8 Ao N na anga nakoim ao nakoia kanoam* ake imwim, te aba ae ko maeka n iruwa+ iai ae te aba ae Kanaan ni kabane bwa a na teimatoa n abanna, ao N na riki bwa Atuaia.”+