13 “A na reke kaimi taani koroboki ma Baritaio aika taani mwamwanaa te aba! ibukina bwa kam bonota te Tautaeka n Uea ae bwaini karawa nakoia aomata. Kam aki rin ngkami, ao kam aki naba kariaia rinia akana i aoni kawaia n rin.+

14 Bwa kam kakairi taari n aia katoto kaain ana ekaretia te Atua ake i Iutaia ake a katiteuanaaki ma Kristo Iesu, ibukina bwa kam karawawataaki irouia kaain abami+ ni baike a karawawataaki naba iai tarimi aikai irouia I-Iutaia, 15 ake a tiringa naba te Uea ae Iesu+ ma burabeti ao a bwainikirinira naba.+ Ao a karaoi mwakuri aika aki kakukureia te Atua ao a ekaanako te baere a kakabwaiaaki iai aomata nako, 16 n aroia ni kataia n tukira man tataekinan te rongorongo nakoia aomata aika tiaki I-Iutaia bwa a aonga n aki kamaiuaki aomata aikai.+ Ao ibukin anne a aki toki ni kabatiai aia bure, ao n tokina e a roko unin te Atua i aoia.+