40 Iai naba aine ake a mamataku mai kiraroa, ao iai Maria te I-Maketara i buakoia, ao Maria are tinan Iakobo are uarereke riki ma Iote, ao Tarome.+ 41 A irira Iesu naakai bwa a na buokia+ ngke e mena i Kariraia, ao a bati riki aine ake a kaai n roko ma Iesu mai Ierutarem.

2 ao aine tabemwaang ake a a tia ni kainaomataaki man niniakia irouia taimonio ao ni kamarurungaki man aorakia: ae Maria are atongaki bwa te I-Maketara ake a kanakoaki mairouna itiman taimonio, 3 Ioana+ are buuni Kuta are mataniwin ana auti Erote, Tutanna, ao aine aika bati riki, ake a akoa Iesu ma ana abotoro n aia bwai.+