14 Ao e nako temanna mai buakoia naake Tengauni ma Uoman, ae arana Iuta Itekariota,+ ni kawariia mataniwi n ibonga,+ 15 ao e taku: “Tera ae kam na anganai ngkana I kamwanea nakoimi?”+ A kamatoaa nakoina taekan 30 te mwakoro n tirewa.+

10 Ao e kawariia mataniwi n ibonga Iuta Itekariota, ae temanna mai buakoia naake Tengauni ma Uoman, bwa e na kamwanea Iesu nakoia.+ 11 Ngke a ongo mataniwi n ibonga te baere e taekinna ao a rangi ni kimwareirei, ao a berita bwa a na anganna te mwane ae te tirewa.+ Mangaia are e a ukoukora te tai ae e na kamwanea iai.