16 E anga te kaeka Ioane ni kangai nakoia ni kabane: “I bwabetitoingkami n te ran, ma e nang roko teuae korakora riki nakoiu, ae I aki tau ni kabwaraa kabaean+ ana kau. E na bwabetitoingkami n te taamnei ae raoiroi ao n te ai.+ 17 E taua ana tiaabora i baina ibukini kaaurakean te uita, ao e na kaitiaka raoi bwian ana auti ni kaaki kun ni uita. E na urakin ana uita nakon te auti ni kaikobwai, ma e na kabueka kunin te uita n te ai ae aki kona ni mate.”