31 E nakonako teuaei n ana bure nako Ieroboam+ are natin Nebata n aron ae kaanga te bwai ae uarereke irouna, ao e anaa naba Ietebera+ are natin Etabaara are aia uea I-Titon+ bwa buuna, ao e a toro irouni Baara+ ao ni bobaraaki nakoina.

13 Bwa a mwaiti atuam n ai aroni mwaitin am kaawa, ngkoe ae Iuta, ao ko katei baonikarea aika mwaiti nakon te bwai ae kanuka* n ai aroni mwaitini kawai i Ierutarem, aika baonikarea aika ko na angakarea iai nakoni Baara.’+