• Otea 10:5, 6
    Te Baibara ae Tabu te Rairai ae te Aonnaba ae Boou

    •  5 A na tabeaianga ibukin te kao te teei ae bouannantin Betaawen+ kaain Tamaria,

      Ao a na nanokawaki ibukin te baei naake bon ana aomata.

      Ao ai aroia naba ibonga ake ibukin te atua ae ianena, ake a kimwareirei ibukina ao ibukini karineana.

      Bwa e nangi nako mairouia ni kataenikaiaki.

       6 E na uotaki nako Aturia bwa te bwaintangira nakon te uea ae kakannato.+

      E na kamaamaeaki Eberaim,

      Ao e na maamaa Iteraera ibukin te taeka n reirei are e kakairi iai.+