20 E kairiianako taenikai nako Baburon ake te koraki ake a rawei maiuia man te kabaang,+ ao a a riki bwa ana toro+ ao aia toro natina mwaane ni karokoa rokon te tautaeka n uea* ni Botia,+ 21 bwa e na kakororaoaki ana taeka Iehova are e taekinna Ieremia,+ ni karokoa ae e kabooi mwin ana taabati+ aon te aba. Ni kabane boong ake e kamaroaeaki iai ao e kawakina ana taabati, ni kakororaoa 70 te ririki.+

11 Ao e na urubekebeke te aba aei ni kabutaa, ao e na riki bwa te bwai ni kakamaaku, ao a na toro iroun ueani Baburon natannaomata aikai i nanon 70 te ririki.”’+

10 “Bwa e kangai ana taeka Iehova, ‘Ngkana a koro ririki aika 70 i Baburon ao N na mutiakiningkami,+ ao N na kakororaoa au berita ni kaokingkami nakon te tabo aei.’+

12 Ngaia are e taku ana anera Iehova: “Iehova ae Atuaia taanga ni buaka, ko na maanra n tautaua am nanoanga mai Ierutarem ao mani kaawa ake i Iuta,+ ake ko un irouia i nanon ririki aika 70 aikai?”+

5 “Kangai nakoia kaain te aba ni kabane ao nakoia ibonga, ‘Ngke kam aki ngkoa mamatam ma n tanginiwenei n te kanimaua n namwakaina ao n te kaitiua n namwakaina+ i nanon 70 te ririki,+ te koaua bwa kam bon aki mamatam ibukiu?