A na roko i Tion ma te tang ni kimwareirei,+

Ao e na baunia* te kimwareirei ae akea tokina.+

E na riki te kakatonga ma te kimwareirei bwa aia bwai,

Ao e na birinako te rawawata ma te ikenrawa.+

11 Bwa Iehova e na manga kabooa Iakoba,+

Ao ni kamaiua* mai nanoni bain ane e korakora riki nakoina.+

12 A na roko ao n takarua ni kimwareirei i aon te tabo ae rietata i Tion,+

Ao n raneanea ibukin raoiroin* Iehova,

Ibukin te uita* ma te wain ae boou+ ao te oera

A* na riki bwa ai aron te onnaroka ae tebokaki raoi,+

Ao a na aki manga mamaara n te taina.”+