“Nakomai bwa ti na ararake nakon ana maunga Iehova,

Nakon ana auti Atuan Iakoba.+

E na reireinira taekani kawaina nako,

Ao ti na nakonako ni kawaina nako.”+

Bwa e na otinako te tua* mai Tion

Ao ana taeka Iehova mai Ierutarem.+

 4 E na momotikitaeka i buakoia natannaomata,

Ao ni kaetii bwaai ni kaineti ma botannaomata aika bati.

Ane a na ororei aia kabaang ni bitii bwa bwaai ni kamarautano,

Ao aia kainiwai naba ni bitii bwa bwaai ni koromwaanga.+

Ane e na aki manga tabeka te kabaang te natannaomata teuana n ekaanako te natannaomata teuana,

Ao a na aki naba manga reireinia te buaka.+

 6 E na iraorao te kameaanti ma te tiibutetei,+

Ao e na wene te rebwari i rarikin te kooti ae ataei,

Ao a na ikotaki te kao te teei ao te raian ao te man ae kamarikaaki,*+

Ao e na kaiririia te teei ae uarereke ae te mwaane.

 7 A na uaia n amwarake te kao ma te bea,

Ao a na uaia ni wene bunia.

 8 E na takaakaro te teei ae mamma i aoni bwangan te naeta ae te kaobura,

Ao te teei ae e a tia ni kakoriraki e na kaaki baina i aoni nnen te naeta ae boitin.

 9 A na aki manga kaikoaki+

Ke ni karaoi baika karuanikai, i aon au maunga ae tabu ni kabutaa,+

Ibukina bwa e na boni buta te aonnaba n ataakin Iehova,

N aron taari ngkai e kabutaa marawa.+

“Nakomai bwa ti na ararake nakon ana maunga Iehova,

Ao nakon ana auti Atuan Iakoba.+

E na reireinira taekani kawaina nako,

Ao ti na nakonako ni kawaina nako.”

Bwa e na otinako te tua* mai Tion

Ao ana taeka Iehova mai Ierutarem.