• Itaia 44:14, 15
    Te Baibara ae Tabu te Rairai ae te Aonnaba ae Boou

    • 14 Iai te aomata temanna ae ana mwakuri boni koreani kaai aika tiira.

      E rinea te aeka n aroka tekaina ae te oke,

      Ao e karikirakea bwa e na totoa i buakon arokan te buakonikai.+

      E unika te aroka ae te raaura ao e karikirakea te karau.

      15 Ao e riki bwa ana aia te aomata ni kauraa te ai.

      E anai tabeua mai iai bwa e na kaabuea iai.

      E kauraa te ai ao e umuna te kariki.

      Ma e karaoa naba iai te atua ao e taromauria.

      E karaoia bwa te bouannanti ae kaaraki ao e bobaraaki i matana.+