12 “‘Ma ngkana a koro ririki aika 70,+ ao N na kaeta taekan* ueani Baburon ao te natannaomata anne ibukin aia bure,’+ bon ana taeka Iehova, ‘ao N na karika abaia I-Kareria bwa te aba ae aki kona ni maekanaki ma ni kamaroaeaki n aki toki.+

14 Ao N na kariaia bwa N na reke iroumi,’+ bon ana taeka Iehova. ‘Ao N na rikoia ami taenikai ao n ikotiingkami ni kabane mai buakoia natannaomata ni kabane, ao man taabo ake I kamaenakoingkami nako iai,’+ bon ana taeka Iehova. ‘Ao N na kaokingkami nakon te tabo are I karaoingkami bwa kam na nako bwa taenikai mai iai.’+

10 “E kangai ana taeka Iehova: ‘N te tabo aei ae kam na taekinna bwa te aba ae aki kona ni maekanaki, ae akea iai te aomata ke te nanai ni man, ni kaawa ake i Iuta ao ni kawai ake i Ierutarem aika uruaki, ae akea iai te aomata ke kaaina ke te nanai ni man, ao ane e na manga ongoraeaki iai 11 te bwanaa ni kakatonga ao te bwanaa ni kimwareirei,+ bwanaan te tia mare te mwaane ao bwanaan te tia mare te aine, ao bwanaaia akana kangai: “Katituaraoa Iehova ae Atuaia taanga ni buaka,* bwa e raoiroi Iehova,+ bwa e teimatoa n aki toki ana tangira ae koaua!”’*+

“‘Ane a na uotii karea ni katituaraoi nakon ana auti Iehova,+ bwa N na kairiia ni kaokiia taenikai n te aba, n aron are rimoa,’ bon ana taeka Iehova.”