3 Aikai natin Tawita aika bungiaki i Eberon:+ Te karimoa bon Amnon+ ae tinana Ainoam+ are te I-Ietireera, te kauoman bon Taniera ae tinana Abikaira+ are te I-Karemera, 2 te kateniman bon Abetarom+ are natini Maaka are natin Taremai are ueani Keturi, te kaaman bon Atoniia+ are natin Akita, 3 te kaniman bon Tebatia ae tinana Abitara, ao te kaonoman bon Iteream ae tinana buun Tawita ae Ekera. 4 A bungiaki naaka onoman aikai i Eberon. E tautaeka ikanne i nanon 7 te ririki ao 6 namwakaina, ao e tautaeka i Ierutarem i nanon 33 te ririki.+

5 Aikai natina aika bungiaki i Ierutarem:+ Timeaa, Tiobaba, Natan,+ ao Toromon,+ tinaia naaka aman aikai boni Batateba+ are natin Ammiera. 6 Ao natina ake ruaman riki bon Iba, Eritiama, Eribereta, 7 Noka, Nebeki, Iabia, 8 Eritiama, Eriata, ao Eribereta. 9 Akanne bon natin Tawita ni kabane aika mwaane, i rarikia natina aika mwaane mairouia buuna ni kewe,* ao Tama+ boni mwaaneia.