12 “Aikai kaetieti ma mooti aika kam riai n taratara raoi bwa kam na kakororaoi, ni boong ni kabane ake kam maiu iai n te aba are e na anganingkami Iehova ae Atuaia ami bakatibu, bwa kam na abanna.

18 Ngkana e a tekateka i aon te kaintokanuea n ana tautaeka n uea, ao e riai ni korea n te boki* teuana katotongan te Tua ae anaaki man te boki are a kakawakinna ibonga aika tibun Rewi.+

19 “E na tiku irouna ao e na warekia ni kabane bongini maiuna,+ bwa e aonga n reireinna maakakin Iehova ae Atuana, ao e na kakairi n taekan nako te Tua aei ao mooti aikai, n arona ni kakororaoi.+

8 E aki riai n nako bokin te Tua aei mai wim,+ ao ko riai ni warekia ni karauraua bwanaam* ni ngaina ao ni bong, bwa ko aonga ni kakairi raoi ni bwaai ni kabane ake a koreaki i nanona,+ bwa ane e na nakoraoi arom iai, ao ane ko na bwaina te wanawana iai.+

3 Ko na teimatoa n ongeaba iroun Iehova ae Atuam, n nakonako ni kawaina nako ao ni kakairi n ana taeka, ana kaetieti, ana moti, ao ana kauring, ake a koreaki n te Tua Rinanoni Mote,+ ao a na nakoraoi* arom ni bwaai nako ake ko karaoi ao n taabo nako ake ko nako iai.

7 N na kateimatoa te nakoa n uea are irouna n aki toki+ ngkana e motikia bwa e na kakairi n au tua ma au moti,+ n aron ae e karaoia ngkai.’