5 Imwain ae e oki Ieremia ao e a taku naba Nebutaratan: “Okira Ketaria+ are natin Aikam+ are natin Tiaban,+ are e mwiokoia ueani Baburon i aoni kaawa ake i Iuta, ao tiiku irouna i buakoia aomata, ke naako nakon te tabo ane ko rineia.”

Ao mataniwia taan tantani e angan teuaei kanana ma te bwaintangira ao e a kanakoa. 6 Mangaia are e nako Ieremia nakoni Ketaria are natin Aikam i Mitiba,+ ao e mena irouna i buakoia aomata ake a tiku n te aba.