12 Ao e otinako Ieoiakin are Uean Iuta nakon ueani Baburon,+ ngaia ma tinana, ana toro nako, ana aomata aika tooka,* ao ana mataniwi.+ Ao ueani Baburon e kairaanako teuaei bwa ana taenikai n ana kawanua n ririki n tautaeka ueani Baburon.+ 13 Ao e uotiinako mai ikekei baika kakawaki ni kabane ake n ana auti Iehova ma baika kakawaki ake n ana auti* te uea.+ E korokorei bwaai ni kabane aika koora ake e karaoi Toromon are uean Iteraera n ana tembora Iehova,+ n aron are e a kaman taekinna Iehova.

13 Ao I-Kareria a ibeibei boua ake buraati+ ake n ana auti Iehova, ao kaa n uabwai+ ma nnen te ran ae buburakaei are arana Taari ae te buraati+ ake n ana auti Iehova, ao a uotiinako buraati nako Baburon.+

7 Ao e anai Nebukaneta tabeua bwain ana auti Iehova nako Baburon, ao e kaaki n ana baareti i Baburon.+

18 Ao bwaai ni kabane ake n ana auti te Atua ae koaua, aika abwabwaki ma aika uarereke n ikotaki naba ma baika kakawaki ake n ana auti Iehova, ao baika kakawaki ake n ana auti te uea ma ana aomata ake tooka, e uotii bwaai ni kabane nako Baburon.+

21 eng, e kangai ana taeka Iehova ae Atuaia taanga ni buaka ae Atuan Iteraera, ni kaineti ma bwaai ake a tiku n ana auti Iehova, n ana auti* uean Iuta, ao i Ierutarem: 22 ‘“A na kairaki nako Baburon+ ao a na tiku ikekei ni karokoa te bong are I mutiakinia iai,” bon ana taeka Iehova. “Ao N na kairiia n oki ao ni manga kaokiia nakon te tabo aei.”’”+

2 Imwina riki ao Iehova e a anga Ieoiakim ae Uean Iuta nako nanoni bain teuaei,+ n ikotaki ma bwaai ni mwakuri man ana auti* te Atua ae koaua, ao e uotii te uea nakon te aba ae Tina*+ nakon ana auti* atuana. E katikui bwaai akekei ni nneni baika kakawaki ibukin atuana.+