38 Ni boong akekei ao e a aoraki Etekia ao e a kaani mate.+ E roko te burabeti are Itaia+ are natin Amoti ao e taku nakoina, “E kangai ana taeka Iehova: ‘Aanga te kaetieti nakoia kaaini batam bwa ane ko nangi mate, ao ko na aki marurung.’”+ 2 Ngaia are e katannako Etekia ni kaitaraa te oo ao e a tataro nakon Iehova ni kangai: 3 “I butiiko Iehova, ma taiaoka uringa+ arou n nakonako i matam ma te kakaonimaki ao te nano ae tabwanin+ raoi, ao I karaoa te bwai ae raoiroi i matam.” Ao e a korakai n tang Etekia.