9 Akea bwa a a roko n te tabo are e kaotia nakoina te Atua ae koaua, ao e katea te baonikarea Aberaam ikekei ao e bairea te aia i aona. E kabaei bain ma waen Itaaka are natina, ao e katokaa i aon te baonikarea i aon te aia.+

7 A na uota te ai nakon te baonikarea+ natin Aaron aika mwaane, ake ibonga, ao a na bairei taian aia i aon te ai. 8 Ao natin Aaron aika mwaane, ake ibonga, a na bairei mwakorokoron te karea+ ma matanriana ao mwaeteni kirinena i aon te aia are i aon te ai, are mena i aon te baonikarea.