4 “Ko na tai karaoa am bouannanti ae kaaraki ke te bwai ae katotongan* te bwai teuana i karawa i eta ke i aon te aba i nano ke n te ran i aon te aba.*+

9 Ao ane a na kangai, ‘Ibukina bwa a kitana Iehova ae Atuaia, are e kairiia aia bakatibu ni kaotinakoia man te aba are Aikubita, ao a nimtiia atua riki tabeman ao ni bobaraaki nakoia ma n toro irouia. Anne bukina ae e karokoa iai Iehova te rekenikai aei ni kabane i aoia.’”+

30 Ao e buakaka riki Aaba are natin Omri i matan Iehova nakoia naake imwaina ni kabane.+ 31 E nakonako teuaei n ana bure nako Ieroboam+ are natin Nebata n aron ae kaanga te bwai ae uarereke irouna, ao e anaa naba Ietebera+ are natin Etabaara are aia uea I-Titon+ bwa buuna, ao e a toro irouni Baara+ ao ni bobaraaki nakoina. 32 Irarikin anne e katea te baonikarea nakoni Baara n ana auti* Baara+ are e kateia i Tamaria. 33 E karaoa naba te kai ae tabu*+ Aaba, ao e kabatiaa riki karaoani baika bubuaka Aaba ni kauna iai Iehova ae Atuan Iteraera nakoia uean Iteraera ni kabane ake imwaina.