19 A taku taani kabung aikai nakoni Barao: “A kaokoro aine aika taian Ebera ma aine aika I-Aikubita, bwa a rangi ni marurung ao a a kamani bung imwain rokon te tia kabung irouia.”

3 Mangaia are e kanakotaeka uean Ieriko nakon Raaba ni kangai: “Kaotinakoia mwaane ake a roko ao n tiku n am auti, bwa a roko bwa a na karaba n tuoa te aba ni kabutaa.”

4 Ma e a tia ni kairiia mwaane ake uoman neiei ao e karabaia. Ao e taku: “Eng, a bon roko mwaane akanne irou, ma I aki ataia bwa kaain ia. 5 Ao ngke e a roo ngke e nang in mataroan oon te kaawa, ao a otinako mwaane akanne. I aki ataia bwa a nakea mwaane akanne, ma ngkana kam waekoa ni kaeiia ao ane kam na ooiia.”

12 E waekoa Mikara ni karuoa rikaaki Tawita man te kamaama, bwa e aonga ni birinako ma n rabanako.

14 Ao e kanakoia taan uataeka Tauro bwa a na kaira Tawita, ma e taku neierei: “E aoraki.”

2 Ao Tawita e kaekaa Aimereka are te ibonga ni kangai: “E tuangai te uea bwa N na karaoa te bwai teuana, ma e kangai, ‘Tai kariaia te aomata temanna bwa e na ataa taekan te mwakuri ae I kanakoko iai ao taekan taiani kaetieti aika I anganiko.’ I boraraoi ma au rorobuaka n ataei bwa ti na kaitiboo n te tabo teuana.