8 E karaoa ngkanne te taabu man te buraati+ ma kainteina man te buraati, ao e kabonganai aia tirotaam* aine ake a baireaki bwa a na bebeku i rarikini mataroan te umwa ni botaki.
6 A riai n itiaki* i matan Atuaia,+ ao a aki riai ni kamatauningaa aran Atuaia,+ ibukina bwa boni ngaiia taan anga ana karea Iehova aika kareanaki n te ai, ae te amwarake ae kareanaki nakon Atuaia, ao a riai n itiaki.+