7 Ma e aki kukurei Iehova iroun Era are ana karimoa Iuta, mangaia are e kamatea teuaei Iehova. 8 Ngke e nora aei Iuta ao e taku nakon Onan: “Ko na wene n taanga ma buun tarim ao maare ma neiei ngkai eirikim, ao karikiia kanoan tarim.”+

5 “Ngkana a kaai ni maeka taari ao e mate temanna irouia n akea natina te mwaane, e aki riai buun teuare mate ni mare ma te aomata ae tiaki kaain te utu. E riai ni kawara neiei eirikina, ao e na anaia bwa buuna ni mare ngkai eirikina ao e na riki bwa buuna.+ 6 E na aranaki te karimoa are e na bungia neiei bwa natini buuna are mate,+ bwa e aonga n aki kamaunaaki aran teuanne mai buakoia tibun Iteraera.+