14 “‘Ma ngkana kam aki ongo irou ke ni kawakin tuua aikai ni kabane,+ 15 ao ngkana kam kaaki taekan au tua+ ao ngkana kam ribai au moti n te aro ae kam a aki kawakin au tua ni kabane, ao kam a urua au berita,+ 16 ao ngai N na karaoi baikai nakoimi: N na katuuaaeingkami n te rawawata, n te kangenge, ao n te kabuebue, n te aro are a na urui matami ma ni kamamaaraingkami. A na matebuaka unikan ami koraa bwa a na kang akana kairiribai nakoimi.+ 17 N na kaeta matau n ekingkami nako, ao kam na konaaki irouia akana kairiribai nakoimi,+ ao a na karawawataingkami taan ribaingkami,+ ao kam na birinako ibukini maakumi e ngae ngke akea ae e kaeingkami.+

15 “Ma ngkana kam aki ongo ni bwanaan Iehova ae Atuami n taraia raoi bwa kam na irii nanon ana tua ni kabane, ma ana moti aika I tua nakoimi n te bong aei, ao ane a na bane n roko i aomi rekenikai aikai, ao a na taoningkami nako:+

63 “N aron Iehova ngke e rangi ni kimwareirei ni kakabwaiaingkami ao ni kamwaitingkami, ao ai arona naba bwa e na rangi ni kimwareirei Iehova n uruingkami ao ni kamaunaingkami, ao ane kam na buritakinako man te aba ae kam nang abanna.