18 Mangaia ae e aki bwai naba te berita nikawai n akean te raraa. 19 Bwa ngke e a tia Mote n taekini kaetieti nako aika kaotaki n te Tua nakoia aomata ni kabane, ao e anai raraaia kaao mwaane aika ataei ma kooti ao te ran, ao e katimtimmwa i aon te boki* ao i aoia aomata ni kabane, ni kain te aroka ae te utoba ma buraen te tiibu ae uraroo, 20 ao e kangai: “Aio raraan te berita, are e tua nakoimi te Atua bwa kam na kakoroa nanona.”+