17 Ma N na kariaia ngai bwa a na kamatoatoai nanoia I-Aikubita bwa a aonga n rimwia, ao N na karekea neboakiu ni konaakia Barao ma ana taanga ni buaka ni kabane, ana kaa ni buaka, ao ana tautia aika toka i aoia aoti.+

9 E taku neiei nakoia mwaane aikai: “I ataia bwa e na bon anganingkami te aba aei Iehova,+ ao e a bwakarira ngkai maakakimi.+ A a bane ni bwara nanoia kaain te aba ibukimi,+ 10 bwa ti ongo aron Iehova ni kabwatakatakaa ranin Taari ae Uraura i mwaimi ngke kam kitana Aikubita,+ ao baike kam karaoi nakoia ueea ake uoman i aoia taian Amoraite, ake Taion+ ma Oka,+ ake kam kamaunaia n iteran te Ioretan are te iterana.*

17 Bwa e taekinaki Barao ni kibun te koroboki ae tabu ni kangai: “Aio bukina ae I kariaia iai bwa ko na teimatoa ni maiu: bwa I aonga ni kaota mwaakau iroum ao bwa e na tataekinaki arau i aonnaba ni bane.”+