Taeka N Rabakau
3 E rawawata te atibu ao e tinebu te tano,
Ma te marakinnano ae kauekeaki iroun ane e nanobaba e rawawata riki nakoni baikai ni kauoua.+
4 Iai te iowawa n te un ae korakora ao ai aron te ieka te un,
Ma antai ae kona ni kaitaraa te bakantang?+
5 E raoiroi riki te boaaki ae kaotiotaki nakon te tangira ae karabaaki.+
6 Te rao ae kakaonimaki e anga te boaaki e ngae ngke e taraa n aki kakukurei,+
7 Te aomata* ae nuai e karautaeka nakon* aia karewe manibeeru are reke mani nnena,
Ma e karewe te bwai ae mao irouia akana baki.
8 N aron te mannikiba ae tiotionako* mani ngaona,
Ao ai aron naba te aomata ae tiotionako mani mwengana.
9 A kakimwareireia te nano te bwaa ao baika boiarara,
Ao ai aron naba te iraorao ae kakukurei ae reke man te reirei ni kairiri ae nako man te nano ni koaua.+
10 Tai kaaki taekan raoraom ke raoraon tamam,
Ao tai rin n ana auti tarim n te bong are ko kabuanibwai iai.
E raoiroi riki raoraom ae uakaan nakon tarim are raroanako.+
12 E nora te kabuanibwai te aomata ae ataibwai ao e karabaa,+
Ma e teimatoa ane e roo nanona ni waaki nako iai ao e rotakibuaka ni mwina.*
13 Taua ana kunnikai te mwaane ngkana e a tia ni kariaia bwa e na tabena kabwaraan ana taarau te ianena,
Ao anaa te bwai ni kakoaua mairouna ngkana e karaoa anne ibukin te aine ae te ianena.*+
14 Ngkana iai ae e kakabwaiaa raona n aomata n te bwanaa ae korakora n te moaningabong,
Ao e na atongaki anne bwa bon rekenikaina.
15 Te buu te aine ae kakauntaeka* kaanga ai aron te taubuki ae teimatoa n raran n te bong ae kakarau.+
16 Ane e kona n tuka neiei ao e kona n tuka te ang,
Ao e kona n taua te bwaa ni baina ae te atai.
17 N aron te bwai ae te biti ae taima te bwai ae te biti,
18 Ane e tabeakina te aroka ae te biiku ao e na kana uaana,+
Ao ane e tabeakina ana toka ao e na karineaki.+
19 N aron te ran ni kaota taamnein ubun te aomata,
Ao ai aron naba nanon te aomata temanna bwa e kaota nanon te aomata are temanna.
20 A aki kona n rauaki te Ruanimate ao te tabo ni kamaunanakoaki,*+
Ao a aki kona naba n rauaki matan te aomata.
21 N aron te bwaata ae te bwai ni kaitiaki bon ibukin te tirewa ao nnen te ai bon ibukin te koora,+
Ao ai aron naba te aomata bwa e kataaki n te kamoamoaaki are e reke irouna.
22 E ngae ngkana ko ikika te aomata ae nanobaba n te bwai n ikuiku
N aron te uita* ae kamantintaki i nanon te nne n ikuiku,
Ma e na bon aki naba nako nanobabana.
24 Bwa e aki teimatoa n aki toki te kaubwai,+
Ao e aki naba teimatoa te baunuea i nanon rooro ni kabane.
25 A maunanako uteute aika kiriin ao a a manga kaoti uteute aika boou,
Ao a ikotaki n anaaki aroka ake n taiani maunga.
26 A reke am kunnikai mairouia tiibu mwaane aika ataei,
Ao e reke boon te tawaana n taiani kooti mwaane.
27 Ao e na tau mwaitin rannimammaia kooti ae ko na amwarake iai,
A na amwarake iai kaaini batam, ao a na nuai iai am toro aika aine.